【湊細女冇難度】爆大仔有攝影天份 霍啟剛:呢代唔識selfie點生存?

更新時間 (HKT): 2019.05.11 16:49
(左圖攝影:卓寶花)

霍啟剛和陳倩揚今日在葵芳為樂施會進行義賣,啟剛分享早前帶同子女親身落田插秧,令小朋友知道米的來源,雖然環境辛苦,但他認為一家人最緊要有時間相處,平日可能只是行街睇戲,而陳倩揚亦支持霍啟剛想法,認為要讓小朋友身體力行才懂珍惜。

霍啟剛早前與太太郭晶晶再添1女(新聞連結: https://bit.ly/2IZE3Ad ),他今日首度公開現身,但不見郭晶晶同行,問霍啟剛否忙碌湊小朋友?他說:「唔係今日,日日都要湊小朋友,已經好多個月,你哋唔知咋,過咗百日宴,係1月初嘅事,已經過晒休養同坐月期。」他否認今胎是秘密產女:「冇人問冇人講,唔係刻意隱瞞,冇人提就冇公佈,大家見諒。」

至於會否再追B?霍啟剛說:「唔好講呢啲住,而家未諗過。」又稱今胎非刻意,他說:「生第1個開始已經話順其自然。」至於小千金性格,霍啟剛說:「都幾定,第3個已經比較熟手,冇咁慌亂,同埋都戒咗夜奶,幾個小朋友都算易湊。」

霍啟剛透露,為了明天的母親節,早已安排任務給大仔霍中曦,他說:「要佢親手整卡畀媽咪同我媽咪,仲有太嫲,3張卡聽日到期要交功課。」他指大仔喜歡做勞作,亦有遺傳嫲嫲朱玲玲的藝術天份,對拍攝有興趣,他笑說:「影相OK,冇歪斜,呢代一定要識selfie,唔係點生存?我就唔使識啫。」

朱玲玲早前出席公開場合指晶晶基因強,指2個孫女似足媽咪(新聞連結: http://bit.ly/2POz7yK ),霍啟剛說:「3個都好似樣,我哋未有小朋友時,以為屋企男仔多過女仔,都同晶晶打定底,第日要湊3個仔,而家有2個女都好好,同埋女會嗲爸爸,第日會照顧爸爸多啲,所以好開心,順其自然。」

霍啟剛說有幫手湊小朋友,並欣賞郭晶晶親力親為,自己湊返學放學,是好好培養家長與小朋友關係,並透露原本有意一家去旅行,但現在一想起3個小朋友出門,坐車都會擠逼,所以外遊計劃要延遲。

娛聞樂陪你走遍全球追星,即Like「娛果」FB 專頁!
BannerBanner