【自然取勝】恨孖古天樂開工 平采娜甜爆激讚有型

更新時間 (HKT): 2019.05.12 14:44
(右圖攝影:卓寶花)

在泰國有「女神」美譽的平采娜近日來港宣傳主演電影《去吧!女神兵團》,昨晚電影舉行首映禮,戲中男配角Jason及導演查亞諾布伯拉科亦有現身。

電影曾在香港取景,平采娜難忘在車上嚎哭的一幕。戲中平采娜獲男主角Nine袒護做兵,平采娜透過繙譯笑言:「世上好難搵到咁好嘅男人,我做乜佢都認同和關心,如果遇到一定唔會畀佢走。」但平采娜稱現時單身,未有打算拍拖,她坦言:「未有時間諗,亦冇心目中男朋友嘅形象。」

對於自己在泰國和台灣均被稱為女神,平采娜說:「我比較自然啲,唔會成日好貪靚,可能我嘅自然迷倒人,會搞笑唔介意太多,成為咗人哋女神都唔知道。」問到想與香港哪位演員合作?她毫不猶疑便說古天樂,樣子顯得甜絲絲,並激讚對方有型。

另外,趙哲妤(Uny)、麥貝夷亦有出席首映,Uny說:「今日放自己一日假,成個月冇入戲院睇戲,平時忙工作、湊女、讀碩士課程,又要到醫院同老人院實習,圖書館都係我長駐嘅地方。」

講到今天是母親節,Uny稱收到女兒在學校製作的銀包作母親節禮物。今天將會三代同堂慶祝,幾姐妹煮飯給媽媽食。Uny的女兒已2歲多,但因聽力障礙影響發聲,Uny指母親節心願是希望女兒能叫她一聲媽媽,她說:「佢仲未識講嘢,我好心急,會聽到佢叫我媽媽,但見到佢好努力有進步已好感動,每日要返學、去醫院接受言語治療、夜晚飯後要繼續訓練,已經好叻女,亦係我一份母親節禮物。」

娛聞樂陪你走遍全球追星,即Like「娛果」FB 專頁!
BannerBanner