【有愛就得】唔嫌辛苦邊做侍應邊拍戲 蔣祖曼話做到演員全靠白只

更新時間 (HKT): 2019.05.16 06:00
攝影:陳俊強

33歲蔣祖曼(Joman)是香港女演員,用資深來形容她相信一點也不為過,其實Joman入行將近20年,01年讀中四的她,誤打誤撞下拍了人生首部電視劇,參與港台《Y2K》拍攝,中學畢業後出來社會工作,一直當餐廳侍應,7年間邊工作邊接拍電視劇與獨立電影,幾經磨練,更被冠「獨立電影女王」之名,其實加入電影圈,Joman從來沒有想過追名逐利,她說:「老土啲講,我鍾意拍戲,真係因為興趣,我攞到嘅嘢係快樂!」

小時候因為經濟環境不理想,Joman畢業後沒有立刻投身演藝界,她努力工作,在餐廳當收銀、侍應、bartender,全部一腳踢,Joman說:「畢業後因為屋企經濟問題,我係要做嘢嘅,同時都有拍獨立電影,好有緣份咁一部接一部,拍得越嚟越多。」雖然只有空閒時才可以拍戲滿足自己,但Joman毫無怨言,她說:「我覺得自己好幸運,因為我嘅機會比其他人多,唔理係唔係大製作,好多機會學到唔同嘅嘢,先行到而家呢一步,我係一個冇計劃嘅人,之前從來都冇諗過入呢行,我係好鍾意拍電影,有時冇人工甚至付出好多,都冇所謂,因為真係好鍾意做呀!」

兩邊兼顧一做便7年,2011年她決心辭去餐廳工作,投身舞台劇,遇上人生的伯樂白只,Joman說:「演舞台劇係好深學問,我又係好好彩,遇到一班肯教嘅演員導師,最幸運嘅真係認識到一班對演戲好有熱誠嘅演員,其中同白只有兩次合作,喺佢身上學到嘅嘢特別多,佢好鍾意分享,好鍾意寫嘢,每逢完咗騷都會寫封信畀我,對我嚟講意義好深,我仲keep住晒。」跟白只合作獲益不少,Joman更憑二人合作的兩套舞台劇獲提名獎項,她說:「啲人以為我讀過演藝,但其實我係唔認識舞台劇,直至嗰兩年,我學到好多嘢,對我日後拍戲好有幫助,白只由我係一個舞台劇半新手,到變成另一個人,完全係佢嘅功勞,希望可以有機會再合作,無論做咩都好。」

直至14年,Joman憑《警界線》一劇成功上位,她亦正式全職投身演藝行業,最近她在《鐵探》一劇中漂了一頭紫髮飾演黑幫大佬的女友,反應相當不錯,Joman笑說:「其實我相信自己可以做到唔同嘅角色,反而係身邊朋友問我點解成日做警察,但係我係一個好多嘢講、唔守規矩嘅人,所以我可以喺戲中好多可能性。如果問我恨同邊個前輩合作,咁梗係劉青雲啦!」

Joman一生都與演藝圈扯上關係,14年她跟擔任電影幕後的陳卓麒結婚,年紀輕輕已做繼母,丈夫與已故的前妻誕下現年12歲的兒子陳滌,Joman視如己出,婚後二人育有現年3歲的囡囡,Joman笑言自己是一個對人生與工作也沒有計劃的人,她說:「其實好多人問我哋兩公婆都係呢行,點樣湊小朋友?我自己對生活好冇要求,同兩個小朋友,加埋屋企9隻貓、1隻狗、2隻龜同1隻雀一齊已經好開心。先生係幕後,有時離開香港半年、一年都試過,又好好彩大家做嘢時間未試過叠住,咁多年暫時都就到。」Joman笑言跟繼子的關係要好,不時會跟他分享拍攝的日常,她笑說:「我同大仔嘅關係仲好過同囡囡,其實兩個都friend嘅,有啲人會問我咁辛苦,又要照顧小朋友又要養寵物,其實我成日覺得唔諗佢就做到,對任何嘢都係出於愛嘅。」

娛聞樂陪你走遍全球追星,即Like「娛果」FB 專頁!
BannerBanner