【今年到美國發展】李施嬅與Brie Larson做同事 劉心悠同子華開戲勁開心

更新時間 (HKT): 2019.05.19 17:11
(攝影:仇志德)

劉心悠今日以環保保育大使身份,同李施嬅(Selena)去到大埔科學園,出席「生態保衛賽」慈善跑活動。

Selena表示昨晚陪同陳茵媺(Aimee)一齊睇演唱會:「可以畀佢輕鬆一下,Aimee未生仔之前,我哋都有飲兩杯輕鬆吓,因為我今朝要跑步,所以啲酒都斟晒畀佢飲,陳豪好sweet嚟接Aimee。」Selena指自己血壓低,又想練好身體,特別叫愛好運動的堂妹陪她一齊跑。

Selena又透露剛與美國經理人公司Authentic簽約,與飾演Captain Marvel的Brie Larson成為同事 ,她表示今年有部份時間到美國發展,有機會參與電影及電視劇演出。對於好友胡杏兒今胎的性別,她說:「我知道,但唔能夠由我公佈,佢應該會再生起碼3個,因為李家注重小朋友,佢哋應該有好多仔女。」

為活動主持鳴槍儀式的劉心悠表示,自己非常注重環保,她說:「我會少用膠、少食肉,牛仔褲都着20幾年。」心悠透露,隨後會與黃子華合作新戲,心情興奮。

娛聞樂陪你走遍全球追星,即Like「娛果」FB 專頁!
BannerBanner