攝影：林賓尼
楊柳青、唐貝詩及林泳淘昨晚到銅鑼灣出席餐廳開幕活動，其中楊柳青透露即將要為有份參演的劇集《法證先鋒IV》進行補拍，問到劇中和黃心穎的戲份有多少？她說：「我同心穎嘅戲份唔算太多，佢喺劇中係做記者，我係做警察，所以唔多對手戲。」 楊柳青又表示暫定6月會開工，未知需時多久：「好彩呢段時間我係安排自己去上堂進修，所以用比較容易夾時間。」
另外，唐貝詩就透露7月會為新電影開工，而日前就為一個電影專業培訓計劃拍攝宣傳照，她說：「係為一個電影幕後同服裝培訓班嘅招募宣傳，入面我同敖嘉年要著古裝扮寧采臣同小倩，我都係第一次著古裝，覺得好好玩。」
