【藝人熱話】好友唔信拆散人家庭

更新時間 (HKT): 2019.05.20 02:20
李施嬅

姚子羚捲四角戀,不少好姊妹都選擇封嘴,如胡杏兒、胡定欣、龔嘉欣等都未有回覆,胡說八道會的李施嬅則表示不方便回應。

李施嬅

「呢件事不如問番當事人,我都唔係好方便回應任何嘢,我又唔知情,乜都唔知。現階段講嘅都未必係真實,都係問番當事人好啲。」

陳山聰

「你哋話嘅嗰個新聞,真係唔知囉!𠵱家咁敏感嘅時候,交番畀當時人講會好啲。因為我完全唔知頭唔知路,我完全都唔知發生乜事。」

姚嘉妮

「冇留意新聞,不過無論任何事,都希望子羚盡快冇事,我同子羚唔熟,不過可能大家個名讀音有啲近,好多人都成日叫錯我做子羚。」

朱庭萱

「我係子羚嘅好朋友,子羚係受害者,佢唔會係拆散人哋家庭嘅人,佢唔係呢啲咁嘅女人,佢性格好好,係個好正面嘅人!」

劉晨芝

「我聽聞Raymond同佢太太已經分開咗,我同子羚係好朋友,我當然關心子羚,但我唔係當事人,我都唔講太多喇!我識咗子羚好多年,清楚佢為人係點,佢唔會亂嚟嘅。」

朱慧敏

「遇到任何情況都好,最好深呼吸停一停,可以嘗試吓冥想、打坐,諗吓下一步應該點做,等自己靜落嚟,令問題唔好惡化。」

娛聞樂陪你走遍全球追星,即Like「娛果」FB 專頁!
BannerBanner