【自新人時代以來】將與張繼聰同台開工 謝安琪:有緣

更新時間 (HKT): 2019.05.21 17:45

謝安琪(Kay)今日到鰂魚涌出席一個記者會,該活動將會於下月15號假啟德郵輪碼頭舉行,屆時Kay和丈夫張繼聰,及組合MIRROR和C AllStar等均會演出。

Kay表示自從當年新人和阿聰一齊出活動後,多年來都未嘗同台:「其實真係好巧合,我本來都唔知阿聰有呢個活動,啱啱睇rundown先知道,除咗有緣,真係冇其他解釋。」

阿Kay表示自己不抗拒跟丈夫同台,讚他風趣幽默又有才華,是不可多得的好拍檔,並透露平常在家經常會一家人齊齊Jam歌:「我彈琴佢彈結他,跟住阿仔阿女就會不斷亂咁叫,其實都幾好玩,佢又有好多諗頭,有時會拎屋企家具就地取材同小朋友玩,等佢哋知道其實生活都有好多嘢可以發掘。」

講到近日人人用電話應用程式變臉,將自己變成小朋友或男變女、女變男,連Kay亦都跟老公齊齊玩變性 她笑說:「我平時好少參與,但今次係佢逼我玩,我哋互相幫大家配音。」問到可覺得阿聰扮女人會將她比下去?Kay笑說:「你哋千祈唔好咁講,係嘅話我哋冇碇企。」

娛聞樂陪你走遍全球追星,即Like「娛果」FB 專頁!
BannerBanner