【心穎out】湯洛雯稱有壓力怕拖累劇組 黃浩然:感恩重拍《法證IV》

更新時間 (HKT): 2019.05.27 16:58
今日《法證IV》記者會以「力臻完美、再度出發」為主題。

自爆出安心事件後,黃心穎形象插水,由心穎有份拍的大台合拍劇《法證先鋒IV》,無綫急易角,找「靚湯」湯洛雯代替黃心穎重拍,在劇中演記者「徐意」,不過開工前,樂易玲下令靚湯要減肥。

一眾演員為了新劇可重見天日,樂意配合拍攝時間,今日《法證IV》記者會以「力臻完美、再度出發」為主題,黃浩然、陳煒、鄭俊弘、譚俊彥及湯洛雯等現身,《法證IV》總監製梅小青稱珍惜這次機會再去做得更好,又指自己收到不少朋友的Whatsapp表示支持,而黃浩然指他們很注重團隊精神,亦開心可以重新出發。

講到杜之克及各演員選出新成員湯洛雯加入,湯洛雯首先多謝杜生垂青,她更稱自己在劇中是新人,希望大家要多多指教,湯洛雯說:「我會日日攬實個劇本,你哋嘅要求,我一定會做好。」湯洛雯接受訪問時,笑笑口說:「其實都有啲淆底,之前拍劇抱住輕鬆心態去做,因為呢套已經開拍,大家拍咗一段時間已上軌道,我中途加入,有啲壓力,唔想拖累劇組。」黃浩然稱有辦法幫助她記下對白:「請多啲我哋食飯就得,其實感恩重拍,公司真係拎好多資源出嚟先可以重拍,小青姐及台前幕後都付出很大努力,拍攝組都作出好大調動,這班兄弟姊妹都一口答應重拍。」

湯洛雯解釋減肥原因是希望上鏡更好看,不過她也着重個人健康多些,之後大家將一齊開工重拍,彼此互相支持,黃浩然笑言:「主要難講嘅對白已經拍晒,同阿湯嘅戲唔係硬線,大家會提佢(阿湯)唔好改對白,就算食飯都要習慣唸台詞。」鄭俊弘則說:「好開心,之前大家6個月都喺埋一齊,咁快又見番,大家都冇乜忘記劇本,我收到重拍劇本,我嗰部份就冇乜點改。」

譚俊彥表示心情複雜,過去的事就別提,現在有一個新機會將戲再演好些,他說:「我係完全配合,本來有假期陪家人,都好嘅,唔好心散,劇中屋企場口都要全部重拍,而下一部戲9月先開工。」他又指陳煒在劇中要再嫁多他一次,陳煒稱:「既然天意要咁就順應天命,覺得今次幕前唔辛苦,反而幕後要搵番晒啲劇本去改,後期製作辛苦啲,由於(心穎)係記者角色,唔關法證事,所以法證的場口大部唔使重拍。」

娛聞樂陪你走遍全球追星,即Like「娛果」FB 專頁!
BannerBanner