【要唞幾個月】胡鴻鈞出院動作緩慢轉唔到頸 後腦着地唔記得事發情況

更新時間 (HKT): 2019.05.27 16:32

29歲的胡鴻鈞(Hubert)早前拍無綫劇集《降魔的2.0》一場吊威吔戲時,不慎由高處墮下撞傷頭部受傷入院,於聖德肋撒醫院留院一星期,今日下午3時由助手陪同出院。穿着一身黑色衫,戴上口罩的胡鴻鈞表示,今日醜樣所以要戴口罩做訪問,Hubert步行動作緩慢,頸項未能轉動,Hulbert氣若游絲說:「康復進度好好,需要繼續休息,預計要唞幾個月,醫生話要睇個人狀態,醫生話我後生進度OK。」意外墮地時後腦着地,胡鴻鈞表示,已經不記得當時情況,至於是否即時休克,胡鴻鈞說:「當時情況唔記得,要問番同事。」

胡鴻鈞表示已經做腦部檢查及掃描,他說:「表面冇流血、冇穿,係震傷咗裏面。」問到有否失憶?他說:「唔記得嘢有少少,而家好容易眼瞓,暈暈地,但係正常。」至於傷後有否後遺症,他說:「乖就OK冇事。」《降魔的2.0》拍攝尾聲,尚餘少部分吊威吔戲未完成。是否由替身完成餘下拍攝?胡鴻鈞說:「休息下先,再睇公司安排。」至於原先安排他與吳若希於一個月之後到美國登台,胡鴻鈞自言希望到時已康復可以起行。

娛聞樂陪你走遍全球追星,即Like「娛果」FB 專頁!
BannerBanner