【囡囡都讚靚】灰姑娘造型現身簽約 梁詠琪唔搵老公扮國王

更新時間 (HKT): 2019.05.31 17:59

梁詠琪(GiGi)今日到尖沙嘴出席加盟環球唱片簽約儀式,活動以《環球歷險記》為主題,GiGi以一襲「Cinderella」般的淡藍色長裙現身,化身成說書人的她,在記者會上獲白兔、鐵皮人和穿透明上衣、化身國王的外籍男模特兒,送上玻璃鞋和權杖等,並宣告推出新歌《再見灰姑娘》。

GiGi受訪時表示自己踏入人生另一階段,不適合再做公主,所以才有《再見灰姑娘》這歌,希望日後推出的作品都以帶給人希望為主,她說:「我諗而家我唔再適合唱太多慘情歌,希望嚟緊嘅新歌都可以用唔同嘅童話故事做主題,以成人嘅角度去睇童話故事,我覺得好適合而家嘅身份,其實每個故事都有好多好深嘅哲理。」

講到今日以「Cinderella」般的打扮,GiGi笑言囡囡都大讚:「佢一見就雙眼發光咁話條裙好靚。」新歌囡囡都有聽過:「佢話好聽,小朋友講嘢好真實,佢一聽就認得媽媽把聲。」GiGi又透露今次跟環球簽約3年,過往都選擇在自己工作室製作音樂的她解釋:「其實簽公司嘅原因,係希望有佢哋幫手兼顧幕後同宣傳,等我自己可以多番啲時間。」

提到活動上找來外籍男模特兒充當國王,何不找老公Sergio擔任,GiGi笑說:「因為要赤裸上身,我就覺得搵個本身已經有胸肌嘅男模特兒好啲,唔使佢刻意修身。」又透露原本大會希望男模特兒要赤裸上身,不過GiGi覺得今日活動的相片女兒有機會看到,所以最終決定讓男模穿上透明膠質上衣示人。除了歌曲題材有所轉變外,GiGi亦表示日後工作,例如接拍電影種類都會想避免親熱或性感場面。

娛聞樂陪你走遍全球追星,即Like「娛果」FB 專頁!
BannerBanner