【結局劇透】貝競枝遭邢呇強姦 高海寧求追看:劇情繼續高潮迭起

更新時間 (HKT): 2019.06.01 20:08

無綫劇《婚姻合伙人》下周進入結局篇,貝競枝(高海寧飾)等人一直呃住邢呇(黃德斌飾)親生女兒的真正身份,被識破後,邢呇盛怒下強姦貝競枝,令劇集再掀高潮;而貝競枝就因為老公郎朝勇(楊明飾)不信任,搞到要決裂收場……但這部既然是輕鬆小品式喜劇,據悉一眾演員最後都是大團圓結局。

楊明、高海寧、湯洛雯(靚湯)等今日出席劇集宣傳,已離開無綫的監製潘嘉德都有在遠處支持一班演員。對於劇透,高Ling繼續賣關子:「觀眾自己睇啦,大家都睇得好入戲,嚟緊劇情繼續高潮迭起。」高Ling今次擔正做女一,觀眾對劇集評價都不差,高Ling在劇中亦有不少性感演出,尤其與德斌激吻,高Ling大讚對手有風度,她說:「冇尷尬,德斌好gentleman,又有經驗,拍嘅時候反而好放心。」問到有大露背和泳衣鏡頭,高Ling表示冇刻意keep fit﹕「拍拍下都瘦咗,因為實在冇時間瞓覺。」

高Ling和楊明在新劇《網絡騙案》再演情侶,高Ling笑說:「兩部劇都講我飛楊明,所以佢兩位阿媽都好憎我。」不過現實中,高Ling自言好受長輩歡迎,近日屢傳與音樂人鄧智偉結婚,高Ling表示不介意跟奶奶住,楊明亦好自豪說:「女友(莊思明)父母都當咗我係半邊仔。」對於現在周一至周六都見到楊明演出,他即擺高Ling上枱:「啲人話見到我有啲悶,其實我而家每天對住高Ling更悶呀。」

另外,忙於拍攝《法證先鋒IV》的湯洛雯自爆早前播出與黃德斌的kiss戲,是入行以來最激的一次:「好緊張,拍咗幾take,播出直情唔敢畀阿爸阿媽睇。」

娛聞樂陪你走遍全球追星,即Like「娛果」FB 專頁!
BannerBanner