【發達啦!】演Playgirl同陳豪發展感情 蝦頭一腳踏五船

更新時間 (HKT): 2019.06.02 15:46
攝影:曹家誠

楊詩敏(蝦頭)早前為「全港中學微電影創作大賽」擔任大使,日前她在尖沙嘴接受訪問,談談工作及近況,蝦頭表示在早前的比賽中,發現不少中學生對拍攝很有熱誠,而且故事結構完整,希望日後有機會可合作。談到年輕一代有理想兼有好故事,但往往缺乏資金,問到蝦頭可會不收酬勞演出?她說:「如果遇到好劇本,我諗都會效法黃秋生咁先唔講錢,大家一齊合作做好件事先,最重要係作品有當代性同充滿現今節奏嘅作品。」

又透露未來的工作目標:「其實除咗拍短片,我最希望係做一個音樂獨腳戲,講述一位歌者嘅故事,相信未來1、2年內能成事,因為計劃已喺度埋班中。」蝦頭稱自己一直嚮往音樂劇,她說:「我好鍾意類似百老匯式嘅音樂劇嘅表演 ,目前呢個構思係未有人做過,其實成件事喺我腦內已經構思咗2、3年。」

蝦頭計劃未能短期內實現的原因是即將又要開拍新劇,將於本月開工,而且長達30集,會跟陳豪和李佳芯(Ali)有不少對手戲,蝦頭透露劇中會和Ali飾演一對閨蜜,又與視帝陳豪合伙做生意,最後還跟曹永廉發展成為情侶,蝦頭稱今次是首次演出長劇,而且戲份不少,感謝導演監製給予機會。

她稱今次劇中飾演一名Play Girl,有多條感情線:「公司對我好好,唔係個個女演員有呢啲待遇,之前已經有機會連咀3大男神,今次劇中又有5個男朋友,而且仲有床戲,雖然係點到即止。可能公司知我現實生活冇呢啲機會。」還提到今年底演出的另一套新片中,同樣獲導演安排有靚仔讓她「抽吓水」。

娛聞樂陪你走遍全球追星,即Like「娛果」FB 專頁!
BannerBanner