【嚟緊忙電影】邀藝人好友上台合唱《朋友》 漢洋為演唱會去到盡

更新時間 (HKT): 2019.06.03 10:45
攝影:陳俊強

歌手漢洋昨晚在旺角麥花臣場館舉行《友共情三十載演唱會》尾場,譚嘉荃及小雪擔任表演嘉賓時,邀請昔日老闆羅傑承上台影合照。除此之外,漢洋還邀請了范振鋒、肥媽瑪利亞、李麗霞(黑妹)和吳國敬,阿范笑指:「點解我哋咁鍾意去卡拉ok,因為我哋好鍾意研究音樂,我屋企人今晚嚟咗,梗係要咁講啦!」

至於剛由雲頂登台返港的肥媽和黑妹亦擔任表演嘉賓,有人向他們送上紅玫瑰,黑妹說:「我嗰枝謝謝地喎!」肥媽就說:「有啲花謝謝地都靚㗎,我雖然未到70歲,但我都好堅挺㗎,點解漢洋着裙吖?因為佢都好堅挺。」引來全場爆笑!最後,漢洋請了台下所有藝人好友上台一齊合唱周華健的《朋友》,包括冼國林、古明華、李霖恩、寶珮如等,早前曾入院的吳香倫要用拐杖走路,而老公陳榮峻一直傍實。

受訪時,漢洋表示今次開騷是「執身彩」,他說:「第一場去得太盡,影響咗把聲,於是我臨急抱佛腳,搵修女幫我祈禱,所以今日大步欖過。」提到他又唱又跳,漢洋表示:「我最滿意今日嘅表現,當然第一日把聲係最好,但因為我驚,所以好小心,同埋好開心咁多嘉賓,其實唔只咁少,大姐明話一定要嚟睇,吳香倫啱啱出院都嚟。」對於被傳婚變的洪欣曾到場欣賞其個唱,漢洋立即封嘴:「我從來都唔會問呢啲,Bob同Sarika(蔡宛珊)都有嚟。」至於會否開part 2?他說:「我冇諗,因為自己之後都好忙,要搞兩部電影。」

娛聞樂陪你走遍全球追星,即Like「娛果」FB 專頁!
BannerBanner