【唔放心小朋友】陳茵媺掛住拍戲感覺:要肯定Moses喺屋企先

更新時間 (HKT): 2019.06.04 16:13

陳茵媺(Aimee)和唱作歌手譚杏藍今日在銅鑼灣出席護膚品牌活動擔任揭幕嘉賓,譚杏藍為品牌創作廣告主題曲。

Aimee展現一身健康膚色,夏日經常帶三位小朋友到沙灘享受陽光海灘暢泳感覺,過往每年暑假Aimee都一拖三帶子女返回加拿大度假,她說:「而家同媽咪傾緊數,佢身體唔係咁舒服,要睇下點先,近日父母嚟咗香港大家好開心,但今次返去加拿大就未必留到一個月咁耐,因為小朋友都好多興趣班暑期班要上,媽咪身體冇咁好就未必有咁多精力幫手,所以主要睇佢身體如何先。」

活動期間Aimee送出禮物給監製梅小青,近日她有演出《法證先鋒III》深夜時段重播,Aimee說:「而家先有時間煲下劇,我好掛住拍戲感覺,近日傾緊啲電影,拍電視我都好想,但時間好難遷就,電影時間會比較容易配合,但就要肯定Moses喺屋企先,因為如果我開工就要佢喺屋企幫手湊小朋友,如果唔係會唔放心。Moses都好忙,拍完套電影,嚟緊要飛去土耳其拍節目,之後又會拍劇。」

娛聞樂陪你走遍全球追星,即Like「娛果」FB 專頁!
BannerBanner