【喪禮以基督教儀式進行】遺憾李兆基未受洗 陳慎芝強調故友「可愛的惡人」

更新時間 (HKT): 2019.06.05 23:17

擅演反派的演員李兆基日前病逝(新聞連結: https://bit.ly/2Wr6iP6 ),身為演藝人協會主席的古天樂今日在電影首映禮上被問到李兆基的喪禮安排,他表示自己剛回港,得知基哥早前結了婚,所以會聯絡他的太太去了解狀況,看有甚麼事可以幫助。而李兆基的喪禮主要會由陳慎芝去安排。

同場的陳慎芝表示:「因為基哥嘅死亡證未出到,應該會係呢1、2日出,之後就會通知相關人士,因為一直有好多朋友問基哥幾時出殯,咁我一直都有同佢太太聯絡嘅,但係一切要等個證出咗,先可以book殯儀館嗰啲,到時就會通知大家。」

陳慎芝更指基哥只是外貌惡,「基哥只係樣惡,但心地善良,係一個可愛的惡人。(有冇陪住基嫂?)冇呀,佢都靜吓,件事都唔係突然嘅,2年前就知道佢病,大家都有心理準備,我去探佢嘅時候,都捉住基哥隻手同佢講『要走就走啦,唔好咁辛苦。』人人都公平,人人都有一次死,最緊要死得精采,唔係一個道友、唔係一個壞人,總之佢就係一個可愛的惡人啦!」問到陳慎芝會否對李兆基未受洗感遺憾?他坦言是,但指李兆基仍可舉行基督教喪禮。

娛聞樂陪你走遍全球追星,即Like「娛果」FB 專頁!
BannerBanner