【引渡惡法】袁嘉敏9號參與遊行 何婉盈心裏支持但人唔到

更新時間 (HKT): 2019.06.05 22:50

袁嘉敏、何婉盈、胡渭康、莊端兒等今晚在尖沙嘴出席電影《變種特攻:黑鳳凰》首映。何婉盈與胡渭康、黎明詩及陸家俊齊齊到場,她透露將推出新歌:「我同李健達合唱,有廣東版同國語版,都係大家熟悉我嘅傷感情歌。」她將於7月為演唱會擔任嘉賓,九月會參與群星演唱會:「我自己都有意思開個人音樂會,不過未有細節,唔敢開空頭支票,但係希望一年內成事。」

何婉盈指首要目標是減肥,笑言身形不能與胡渭康比拼:「佢簡直食咗防腐劑咁,我今年都18歲,佢起碼23啦,大家睇下佢,真係太過份。曾航生都係,瘦到我練氣功都着唔到佢啲衫。」

談到9號將舉行的反《逃犯條例》遊行,何婉盈說:「我心裏面係支持,但因為我係媽咪要湊女,所以唔得閒,同埋我都想study清楚啲先。不過我想講返噚日(六四30周年),我個女12歲,我今朝係第一次喺早餐時間,睇住個新聞同佢講,等佢再大啲,我會再講,畀佢知道我哋中國人最緊要記住啲乜嘢。」

同場的袁嘉敏直言9號會參與遊行:「我自己有留意呢個新聞,我會參加,不過政冶嘅野今晚唔好講太多。」問她可否呼籲大家上街?袁嘉敏說:「心裏面直覺想去,就應該要去啦。」

她透露稍後會到國內拍電影:「係懸疑片,自己都好鍾意呢啲題材,我係做受害者,會有少少性感。」問到單身的她夏日將至,會否與朋友去船P?袁嘉敏笑指如果有單身男士去便去:「我早排去咗法國南部同巴黎,平時都有自己去旅行,但今次真係特別寂寞,可能天氣又凍,如果有人陪起碼暖5度。」

娛聞樂陪你走遍全球追星,即Like「娛果」FB 專頁!
BannerBanner