【講咗13年】寄語新導演保持創意 杜琪峯:唔好抄,抄就唔係創作

更新時間 (HKT): 2019.06.06 20:09
攝影:陳慧安

郭富城和杜琪峯今日到油麻地百老匯電影中心,出席《第十三屆鮮浪潮國際短片節》活動,作為活動推動者之一的杜Sir在活動上感激城城到場支持,又多謝ViuTV再度合作播放,他說:「肯負社會責任嘅有錢佬太少,多謝劉鑾雄先生旗下嘅慈善基金,捐出一千萬作為我哋日常營運開支。」

而城城就表示過往曾跟超過十位新導演合作,更向在場一眾新導演們表示:「如果你哋有好劇本可以交畀我,大家傾吓有冇得合作。」活動尾聲杜Sir再寄語新導演們要保持創意及堅持原創:「講咗13年,我再講多次,唔好抄,抄就唔係創作,一定要堅持原創。」

城城受訪時表示,自己多年來合作過不少新導演,包括《殺人犯》、《踏血尋梅》、《寒戰》及剛剛拍攝完即將上映的《麥路人》,他說最重要的仍然是劇本要吸引:「同新導演合作係因為佢哋好多喺故事上會有一啲新嘅元素,劇本類型亦都比較多元化。」

然而,新導演往往會面對製作費有限的問題,城城又可會相應減收片酬?他說:「當然一定要減,我知道佢哋製作費唔高,最緊要我都係喺香港長大嘅香港演員,有好嘅故事都會想支持。」問到可否先不收片酬,待上映後才計花紅?他說:「我都係交畀小美去接洽,佢係一個珍惜人才嘅人,相信佢一定會搵到一個方法去協調。」

城城又透露近日在港時間較多,有較多時間陪伴太太和囡囡,他說:「拍戲冇得講,喺香港嘅一定想陪佢哋多啲,我最近先帶囡囡去完海洋公園,遲啲有機會都想同佢去迪士尼,以前我哋大人又點會去?但而家小朋友鍾意都會同佢哋去。」

至於6月9號民間發起的反對《逃犯條例》修訂大遊行,城城表示:「唔可以三言兩語解釋清楚同表達到感受,我希望喺香港大家都可以生活愉快,有一個和諧嘅香港。」

娛聞樂陪你走遍全球追星,即Like「娛果」FB 專頁!
BannerBanner