【又嚟睇相喇】玲玲師傅批Sarika感情容易被騙 2022年至有真姻緣

更新時間 (HKT): 2019.06.07 21:36

「果燃台」又有新搞作,直播節目《娛講》今日第一集邀請玄學家麥玲玲,以Video Talk形式幫嘉賓蔡宛珊(Sarika)和古卓文及兩位蘋果讀者,分析命盤和面相。讀者可以到 https://bit.ly/2Xur8JT 重溫節目。

Sarika和古卓文都是混血兒,玲玲師傅直言與中國人面相是不同的,她說:「南方同北方人嘅睇法都唔同啦,北方人鼻樑高啲,外國人輪廓又深啲,真係另有一套法則,外國人鼻高,真係要好高先算。」Sarika剛剛與Raymond離婚,最關心當然是姻緣,玲玲師傅笑Sarika命格容易被人呃,她亦直認不諱。玲玲說:「放心,你桃花不絕嘅!但要同年紀大好多嘅一齊,最少6年以上。」Sarika聞言笑說:「我本身都係鍾意啲年紀大嘅男仔,因為女士較早熟,最少都大我5年或以上。」

好友古卓文踢爆:「佢最想知幾時結婚?」玲玲師傅說:「早年婚姻唔穩定,第二次會再嫁好啲。今年有機遇,但未得,要到2021、2022年。」Sarika有點失望說:「到時先嫁得出,咁幾時生小朋友?我年紀唔細喇!」玲玲師傅說:「命格係有嘅,但唔係生到3、5、7個,而係一個起兩個止,你話而家雪卵,我都好贊成。」

輪到睇面相,玲玲師傅指古卓文眉骨高,野心大,勸他做事不能太急進,但鼻高會有好多桃花。至於事業,亦適合做司儀,但最好是離鄉別井去凍的地方,古卓文搞笑地說:「唔通要去北極?哈哈。」至於兩位家庭觀眾余太和Donna都是已婚有子女,玲玲師傅指余太與宗教有緣份,但不宜作大型投資,Donna則財來財去,宜買實物,另要小心關節等小毛病。

娛聞樂陪你走遍全球追星,即Like「娛果」FB 專頁!
BannerBanner