【隔空放閃】同田蕊妮結婚14周年各自修行 阿澤:食漢堡包補數

更新時間 (HKT): 2019.06.07 15:00

今日是杜汶澤、田蕊妮結婚14周年紀念,阿澤在facebook放了一張去年演出「毛台劇」時,在後台跟太太攬頭攬頸的照片,留言:「唔知點解,好鍾意呢張舊年做毛台劇時響後台影嘅相。我老婆可以話係我認識嘅人當中,最善良嘅一個人,如果你俾佢見到阿拉丁神燈,盞燈畀一個願望佢,佢一定會話,希望我老公好。佢令我體會到咩叫愛同包容,呢啲嘢都係我唔識嘅.......適逢今日有要事身處外地,唔能夠同佢慶祝結婚14周年,惟有過幾日請佢食番個漢堡包補數啦!哈哈!其實係我自己想食啫,不過我覺得佢唔會介意嘅.......」太太田蕊妮當然不是「省油的燈」,她在fb隔空回應「14周年快樂!總之你好我好,好好地,其他嘢,無補充!」看似無可無不可,但深深體會到「心實喜之」的放閃至高境界。

另外,阿澤之所以沒有跟太太慶祝,而是到了加拿大到深山修行,他在IG留言:「年初時決定今年同老婆一齊去美國閉關前,自己去一次深山閉關。其實都幾富挑戰性,始終未試過,所以好想試一次。一個人,踏上尋求自由之道??唔知,會唔會見到熊人呢??希望條腰同膝頭哥生性啦!」而明天47歲生日的阿澤,亦會在修行中度過。

娛聞樂陪你走遍全球追星,即Like「娛果」FB 專頁!
BannerBanner