【錫有分層次?】黃淑蔓憂前途 楊千嬅教路:守規矩

更新時間 (HKT): 2019.06.08 19:24
(攝影:王連連)

「寰亞孻女」黃淑蔓今日18歲生日,公司為她在酒店舉行生日會兼宣傳新碟,除了親友捧場外,老闆林建岳更送上她生日年份紅酒做賀禮,楊千嬅則神秘現身祝賀。

黃淑蔓透露生日願望是想在20歲前在紅館舉行個唱,但擔心地問前輩楊千嬅,18歲後是否不會再有人錫,千嬅笑言:「我就快48歲,你想知邊個層次?現實啲係守規矩,公司就會錫,但重點係無論有冇人錫,父母係最錫你嘅人。」

活動後黃淑蔓接受訪問,雖然被稱做孻女,但萬一不再是小朋友時,會顧慮公司同事會否不錫自己才會這樣問。前輩的出現令她驚喜,她說:「佢係我一個好榜樣,好大嘅前輩,畀好多鼓勵我,好想同佢合作,佢話對青春少女已經過咗,但有懷念嘅心,所以想合作唱出兩代人嘅歌。」

娛聞樂陪你走遍全球追星,即Like「娛果」FB 專頁!
BannerBanner