【Fit過未生時】5個月大細仔終日周圍碌 張名雅全職湊仔辛苦但開心

更新時間 (HKT): 2019.06.09 13:30
(左圖攝影:仇志德)

張名雅、利嘉兒、黃百鳴、黃玉郎、吳國敬等昨晚在尖沙嘴出席慈善晚宴,特首林鄭月娥和前特首梁振英亦有現身。

張名雅昨晚和老公現身,誕下幼子5個月,現時身材fit過未生之前,她說:「之前拍劇生活顛倒,有時會食宵夜,生完BB之後用咗紮肚減肥法,pat pat細咗。」張名雅現為兩子之母,幾乎全職湊小朋友,雖然辛苦但好開心,她說:「細佬好乖,食完奶會自己自由活動,哥哥反而就好活躍,成日走嚟走去,細佬成日自己碌嚟碌去,平時成日笑,有次唔為意之下佢跌親大喊我先知道,好彩冇事,當時都好驚,以後會小心啲留意細佬。」

至於利嘉兒透露要安頓好囡囡才可以出街,近日湊B令她大感苦惱,她說:「呢排好大劑,BB踏入8個月大,性情大變,之前一路好好,突然間好有主見同性格,一夜之間瞓醒就變成咁,以前無論幫佢換衫各樣好簡單搞掂,而家好似鬥力咁,搞到每次都好攰。」但女兒在成長期間有很多「第一次」,令利嘉兒十分難忘,她說:「仲識得嗌媽咪,嗰吓真係好冧,但乜嘢都嗌媽咪,之前我可以出吓街蛇王,而家唔畀第二個抱,感覺噩夢開始了,爸爸從來只是詐嬌對象,係豬嘅隊友,但我就比較嚴厲,乜嘢都No,我係惡媽咪。」

娛聞樂陪你走遍全球追星,即Like「娛果」FB 專頁!
BannerBanner