【重返樂壇】相隔兩年再派新歌 劉威煌演音樂劇苦戀丁可欣

更新時間 (HKT): 2019.06.10 15:38
攝影︰馬建華

劉威煌今日到新蒲崗,為稍後公演音樂劇新歌《她只當我是朋友》舉行發佈會,音樂劇監製陳恩碩及有份演出的丁可欣也一同出席,威煌即場獻唱新歌,他表示今次唱法有別於以往,歌曲用詞也是較貼地日常用語,大家一聽便明。

相隔兩年再派新歌,九月左右會再派多首,他坦言並非是雄心壯志重返樂壇,他說︰「係我好鍾意唱歌,而家唔計得失,以前試過唔開心一段時間,會自問唱得幾好但點解無人識聽,有跌落個墟太耐,而家會去聽多啲讚賞聲音。」現時做音樂全屬自我製作,到宣傳時才外判去做,他覺得這個沒有壓力的模式更適合自己。

音樂劇中演18歲學生去苦戀丁可欣角色,年近40的他指幸好讀書時有類似經歷,所以較容易代入,他說︰「我嗰時追咗5年都唔成功,直接啲講即係唔識媾女,同對方仲有聯絡,佢已經結咗婚有小朋友,我都要努力抽時間(造人)。」丁可欣指角色比她平日演的火雞姐更火爆暴燥,試過排練時因為狂鬧而聲沙影響唱歌,所以要小心注意運用聲線方法。

娛聞樂陪你走遍全球追星,即Like「娛果」FB 專頁!
BannerBanner