【主要係畀面SHINee泰民】自嘲「大老花」 景黛音讚姜濤演技自然

更新時間 (HKT): 2019.06.10 18:30

景黛音、姜濤、李紫僖、李建邦、徐浩昌今日在九展出席ViuTV劇集《退休女皇》記者會,昔日「EYT三小花」的戚美珍和廖安麗特意送上花牌賀景黛音有新作品推出,景黛音說:「幫我多謝佢哋,我真係好耐冇見佢哋,佢哋好有心。」會否有機會跟她們再合作?她笑說:「唔好喇啩,我都變咗大老花,我講我呀,唔係講佢哋呀!」

活動中,景黛音指劇中角色性格跟自己差不多,獨立和有主見。姜濤則表示在去年參加《全民造星》時已收到劇組的通知,當時很擔心自己不能勝任,「《全民造星》會有唱歌同跳舞嘅教導,但好少演戲嘅指導。」景黛音即說:「其實佢好OK,我唔覺得佢第一次演戲。」

受訪時,對於景黛音出山拍劇就對撼無綫新劇《白色強人》,她表示:「唔係撼,我邊有資格撼無綫,唔好講得咁嚴重,純粹係金生(ViuTV製作部副總裁金廣城)邀請,我又貪得意,又係為咗泰民(韓團SHINee成員之一),我唔係講笑㗎!」

相隔32年再拍劇,景黛音表示沒有緊張,亦不難重新適應拍劇生活。對於劇中兒子姜濤,景黛音讚不絕口,「佢第一次做戲,但好自然,起碼佢唔會好造作。」問她會否繼續拍劇?她堅決地說:「唔會喇,拍劇唔係控制喺你一個人嘅手上,好多嘢都要配合,配合得好先有睇頭,今次答應拍劇係因為金生應承我,搵我嘅偶像泰民一齊合作,但後來因為配合唔到時間,如果真係叫到佢就另計,如果佢做到我個仔,我會好開心,我好羨慕佢媽媽。」提到她的女兒已18歲,景黛音指女兒沒有興趣入行。

姜濤指自己飾演一個囂張的人,跟他本身性格不同,「拍攝過程,冇想像中咁難,冇太多NG。」提到景黛音讚他演戲自然,「多謝,佢冇畀太大壓力我,用最自然嘅方式就OK,我之前喺YouTube睇番佢以前主持嘅節目,同佢相處過,佢係一個好直接嘅人。」首個戲劇作品今晚推出,姜濤表示很期待,「我第一次演戲,大家唔覺得奇怪就好喇,希望大家多多包涵。」

娛聞樂陪你走遍全球追星,即Like「娛果」FB 專頁!
BannerBanner