【達8萬個簽名】聯署禠奪林鄭法國勳章 邵仲衡︰用橡膠子彈係不可原諒

更新時間 (HKT): 2019.06.14 14:03
(資料圖片 / 網上圖片)

港府硬推「逃犯條例」修訂,違反民意,前日警方粗暴驅趕示威者,更出動布袋彈、橡膠子彈、催淚彈對付示威者,激起民憤,引來國際關注。有網民昨天(13日)起發起聯署,要求法國政府禠奪特首林鄭月娥,於2015年獲法國頒發的榮譽軍團勳章(Legion of Honor),有份聯署及轉發的圈中人有邵仲衡及導演黃浩然等。

導演黃浩然在社交網貼文表示︰「原來2015年林鄭得到法國頒發最高榮譽,表揚作為「模範公僕」,4年後大家聽落去都相信覺得嘔心。法國寫明話如果有人獲頒榮譽之後,做出違背法國理念(例如自由、人權、平等),就可以被取消資格。所以請大家聯署,要求法國出手。」

至於有份聯署的邵仲衡(大佬孝),他身在外地接受《蘋果》電話訪問,他說︰「大家呢兩日睇到嘅都一目了然,連以前一班高官及佢嘅同僚都有講嘢,今次用到橡膠子彈,係不可原諒。呢個最高決策權,佢唔好話冇份參與,就算最後決定嗰個唔係佢,佢都係有份拍板嗰個。」

孝哥表示雖然他人不在港,但他都有留言住香港的情況,他說︰「年青人係香港嘅未來,點解要咁樣對付佢哋,呢個方式係錯。」孝哥認為法國是帶領住革命,提倡民主,故此他參與聯署。而聯署目標為7.5萬個簽名,由昨日開始聯署截至今日下午2點,已達標超過8萬個簽名。

娛聞樂陪你走遍全球追星,即Like「娛果」FB 專頁!
BannerBanner