【仲有4個月就Big day】婚紗草圖仲未有 待嫁JM驚到喊

更新時間 (HKT): 2019.06.15 19:15

時捷集團有限公司主席、仁濟醫院前主席嚴玉麟的女兒嚴紀雯(Carmen)今天於灣仔設婚宴,身為伴娘的文詠珊(JM)全程伴在好友Carmen身邊,笑容燦爛,很替老友開心。

今年4月宣佈將於10月與富三代筍盤吳啟楠(Carl)在意大利舉行豪華婚禮的JM,被問到婚禮進展,她表示:「冇Update呀,我心都跌出嚟喇,驚到都想喊!因為意大利嗰邊好慢,連我嘅婚紗都未draft出嚟,真係好驚!因為自己都係一個好detail嘅人嚟,所以都好無奈,相信件事出到嚟係靚,但可能冇自己想像中咁完美。」

問到今天到場是否順道取經?JM說:「其實呢個都係我嘅心血,因為個婚禮對Carmen係好重要嘅,咁我作為佢嘅好朋友,都有畀意見,一齊去開會,呢個係我哋嘅心血。」問到有何祝福?JM說:「想佢快啲生多幾個小寶貝,畀我做契媽;希望佢老公日日幫佢搲痕,因為Carmen好鍾意搲痕嘅。我覺得佢好幸福,其實我都好鍾意搲痕,但係一講出口呢,佢(未婚夫)就一早瞓咗喇,可能佢太攰。(叫佢臨瞓前幫你搲囉?)唔work㗎。」

提到JM與未婚夫像老夫老妻一樣,JM說:「係呀,我哋一齊都5年,佢都有第二樣嘢好好嘅,希望嚟緊10月個婚禮都順利啦,姊妹團都係啲圈內嘅朋友,都有Carmen份。」

娛聞樂陪你走遍全球追星,即Like「娛果」FB 專頁!
BannerBanner