【引渡惡法】林鄭記者會撐警「天公地義」 黃秋生:天收你呀!

更新時間 (HKT): 2019.06.16 21:15

【新增內容】

本港市民反《逃犯條例》修訂的示威,被警方以不合比例的武力清場導致多人受傷,惹來國際社會關注及譴責。行政長官林鄭月娥昨向傳媒宣佈暫緩修例時,態度仍然囂張惡劣,更稱絕對支持警方定性為「暴動」,又表示警方執法手段合情合理合法,是「天公地義」。

黃秋生昨晚於社交網站貼出自己的電影截圖,圖中對白寫上「我們再不會自己人用槍指着自己人了」,並寫道:「All we are saying, is give peace a chance. Remember, the world is watching.(一直在說的,就是給和平一個機會,請記得,世界在看。)」

而今午,黃秋生又說道:「係『天經地義』,唔係『天公地義』呀,『區長』。可能你以為公義公義,講慣咗,所以就『天公地義』囉,咁正義係咪可以天正地義?仁義又天仁地義?有啲嘢係唔可以自己以為係咁就隨便改嘅,例如呢個天公,我只係知,天公有眼,天公開眼。意思係同啲衰人講,天收你呀!天公開眼囉。」

秋生之後再在facebook發文講到對今次事件睇法,他指看到香港人,尤其是年輕人,非常團結,充滿生命力。秋生希望政府可以撇開成見去交談:「例如乜嘢外國勢力啦,乜嘢亡我之心啦,乜嘢八國聯軍啦。用對抗,强硬,冇得傾嘅方法。咁我相信事情一定惡化落去。」

秋生指雙方都應拿出耐性化解仇恨,他建議政府:「比啲時間,放低面子,比番啲誠意。」市民亦需「唔好未傾先X」,可以令事件出現轉機。

娛聞樂陪你走遍全球追星,即Like「娛果」FB 專頁!
BannerBanner