【有同安仔聯絡】拍ViuTV新劇激多親熱戲 梁漢文:唔使羨慕,一啲都唔好玩

更新時間 (HKT): 2019.06.18 19:58

梁漢文(Edmond)、張慧儀、王敏奕、樓南光等為ViuTV開拍新劇《Me Too》,內容圍繞性騷擾,Edmond和慧儀在戲中均充滿異性緣,多段糾纏不清關係,艷福無邊,各人享盡色慾都市。

Edmond稱角色有趣,飾演有成就中年男士設計師,並笑指:「睇我個樣都係被人性騷擾,劇中好重桃花,有仔女,同慧儀又因飲醉酒發生關係,又有固定情婦,王敏奕好欣賞我才華發生曖昧。」雖然女性團團轉垂手可得,理應很開心,但Edmond說:「唔好咁講,雖然從未拍過咁多親密戲,但一啲都唔好玩,男士唔使太羨慕,試過一場戲嘅環境令自己好難頂,同王敏奕喺一個好簡陋充滿汗味嘅鬼屋中有強暴戲,絕對唔好受。」太太雖然知道拍劇題材,但Edmond還未和太太詳細交代。

現實中Edmond早前都被#metoo,到大陸登台時被歌迷抽水,他笑說:「好小事,登台係咁樣,當時落咗台有啲混亂,被人摸咗幾嘢,搣咗吓,我好結實,唔使為我個臀擔心。」

安心事件後,蘇永康早前在電台透露,安仔有私下向BIG FOUR道歉,Edmond說:「我唔知蘇康有咁講過,唔使向我哋道歉,朋友呢啲階段畀啲時間佢調校好自己,我實在唔方便講太多,我哋有聯絡,佢間中會回覆,最近係上星期,我只係透過WhatsApp同佢簡單留言。」至於安仔會否去支持蘇永康演唱會?Edmond表示:「唔知道,但我已向劇組請假會去睇。」

此外,張慧儀在劇中有不少性感造型,她指角色好爆,是從影以來未接受過的挑戰,她說:「我個角色係單身事業女性,亦好貼合現實年齡層,寫實、貼地、又好爆。」更笑指和Edmond的親熱醉酒床戲屬小兒科:「唔知導演想點拍,可激可唔激,纏綿遊戲就實有,自己好多年都冇演過呢類角色,唔想有心理包袱,抱住期待心態去演繹。」而現實生活慧儀慶幸從未遇上性騷擾,若果有必會嚴懲,並說:「以我嘅性格唔會就咁算數。」

而王敏奕連踩兩劇,令她瘦了十磅,不過男友曾國祥戥她忙碌高興,她說:「演員忙係好事,若果佢好繁忙,我好得閒唔係咁好,佢近日忙緊宣傳自己套電影,呢兩個月我哋都好少見面,視像維繫。」

王敏奕指最激烈劇情是被Edmond侵犯,她說:「男友知道拍劇題材,但唔知內容咁激烈,我第一次接拍呢類劇種,都有同男友share,佢有問我點解冇講過會咁樣被人搞。」王敏奕透露劇組體貼,因為要交代很多被人性騷擾鏡頭,已聲明若有唔舒服可以停,並表示男友不會反對她的工作,認為接拍得就應該全情投入演出。

娛聞樂陪你走遍全球追星,即Like「娛果」FB 專頁!
BannerBanner