【幾時拜師?】練好身手拍旅遊節目 蘇麗珊獲楊盼盼垂青

更新時間 (HKT): 2019.06.19 16:05
(攝影:羅慧敏)

蘇麗珊(Cecilia)和林小美今天於長沙灣為ViuTV旅遊節目《旅行唔只食買玩》接受楊盼盼的特訓,她們在現場練習吊威吔及空中後空翻,盼盼姐大讚2人有天份,更想收她們為徒,她說:「佢哋好聰明,學得好快,好榮幸有咁優質嘅學生,都想收佢哋做徒弟,我都想跟埋一齊去,可以做隊長,如果有多啲動作就更加開心,都希幫呢兩個女仔可以拍多啲動作電影。」

而Cecilia指即將到日本拍攝,當中有一個名為《超人打怪獸》的環節,難免有武打場面,問她是否望轉型做打女?她說:「大家見到我細細粒,一捽就散咁,係柔弱型,其實自己本身都鍾意跑步,做gym,以前有跳彈網,都有打空翻,今日搵番空中嘅感覺。」她又謂今次拍攝還有其他環節,包括擔任導遊,為觀光客計劃2天行程,又會跟日本足球隊訓練及到藝能學校表演,她笑說:「今次真係體驗之旅,好多人都話去藝能學校做才藝表演同搞笑好啱我,但係我個人好認真,我覺得係新挑戰,突破自己。」

娛聞樂陪你走遍全球追星,即Like「娛果」FB 專頁!
BannerBanner