【引渡惡法】聲明強調還有3年任期 王宗堯:感受唔到佢哋想解決

更新時間 (HKT): 2019.06.21 16:48
(左圖攝影:羅慧敏、資料圖片)

三大直播平台

政府無視對民間的撤回《逃犯條例》修訂、收回6.12暴動定性、撤銷被捕市民檢控、追究警察濫用暴力,以及林鄭下台的五大訴求,多個團體及網民在昨日最後通牒時限屆滿後,宣佈將行動升級,其中大專學界及網民發起今晨7時起圍堵政府總部及禮賓府等主要政府機關,王宗堯一早8點已到金鐘政總支持行動,多次來回協助運送物資,下午3時王宗堯現身金鐘政總,身水身汗,他說:「今日好熱,啲學生好辛苦,我今日8點多嚟到,呢幾日睇到事態發展,睇吓噚晚死線前政府回應係點樣,過後就知道無論佢作出乜嘢回應,甚至係網誌上有道歉聲明,都係感受唔到佢哋想解決件事,或者對話嘅感覺,仲好強調佢哋仲有3年嘅任期要做其他嘢。」

問到覺得如何才能平息事件?王宗堯說:「唔知呀,而家香港有好多唔同意見,覺得換咗班底會唔會好啲呢?目前淨係想迫切嘅對話,甚至一個答案,有冇機會將暴動變做一個和平示威呢?因為呢個係關乎呢次所有參與社會運動嘅(人),有可能會被秋後算賬嘅擔心,另外有啲人受咗傷,希望警察唔會以其他名義去對佢哋作出秋後算賬嘅動作。」

王宗堯又指今天的行動極之和平,他說:「大家都好克制,你會覺得呢班年輕人係好感到驕傲,大家好清楚知道我哋嘗試用乜嘢方法去解決問題,無論喺網上、去到現場聲援、嘗試同唔同嘅人作出對話嘅方式都好和平。」王宗堯最擔心是年輕人會中暑,所以多次來回運送物資,他也多謝各界支持,令他感到溫暖。問到會否擔心年輕人?王宗堯說:「對面嗰啲知道世界各地的媒體都影住佢哋,每一步都需要克制自己,佢哋唔可以成日匿埋喺蒙晒面、冇number嘅制服後面。」最後他指沒有東西想跟政府講,他只想說:「香港人加油!」

娛聞樂陪你走遍全球追星,即Like「娛果」FB 專頁!
BannerBanner