【甲子係新開始】生日前後唔想開工 惠英紅60大壽想大搞

更新時間 (HKT): 2019.06.22 17:44

惠英紅、林欣彤、許廷鏗今日在旺角出席禁毒活動,林欣彤和許廷鏗分別獻唱新歌,而紅姐則在台上呼籲向毒品說不,她憶起童年時在灣仔區長大,當時灣仔一帶有紅燈區,更曾見過不少姐姐吸毒過量嘔白泡身亡,再三叮囑大家不要接觸毒品,認為做人最重要充實和身心健康,並大方公開年齡:「我明年就60歲喇,良好生活習慣好重要,唔好以為掂下會搣甩,我60年未見過一個人話戒就戒,而且會好辛苦。」

紅姐表示從未受毒品誘惑,可能外貌夠正面,加入娛樂圈後更少遇上這類情況,只是小時候見得多。提到明年60大壽,紅姐笑說:「仲有5年半就攞兩蚊搭車㗎喇。」而人生邁向登六,紅姐有意熱鬧度過:「有日同老闆傾開偈,佢話會幫我大搞,若果到時喺香港就搞啦,平時生日都冇特別慶祝,生日年年都有,但踏入60就搞一搞啦,大家柴娃娃都好開心,60歲都係一個甲子,係新開始。」紅姐希望向公司度定期,並說:「叫公司唔好喺我生日前後安排工作,但相信以我嘅人緣,即使要做嘢,60甲子人哋都會放人啦。」

林欣彤早年聲帶受損,現已全面回復狀態,她呼籲人不要因好奇心而接觸毒品,要清楚禍害。許廷鏗則希望以身作則做個好榜樣,自己連煙也沒有吸。

娛聞樂陪你走遍全球追星,即Like「娛果」FB 專頁!
BannerBanner