【心意最重要】李兆基下月初舉殯 陳慎芝讚古天樂熱心協助

更新時間 (HKT): 2019.06.23 16:35

陳慎芝、趙慧珊(Aka)與久未露面的湘漪今日到銅鑼灣出席日本電影《漫長的告別》首映。陳慎芝被問「慈雲山十三太保」、江湖外號「高飛」的藝人李兆基(基哥)的後事安排,他先代基哥家人感謝大家關心:「因為個爐嘅日子未定,所以我哋暫時book咗7月5或者9號舉行儀式,會喺鑽石山搞,希望基哥嘅朋友都可以嚟送支花,我已經準備定200幾支花。」

陳慎芝稱與基哥認識了60年,互相陪伴成長:「佢都69歲,對電影界有個交代,呢10年,個個見到佢都好開心,佢有陪我去做反吸毒推廣,去監獄做義工,佢係個好人。」陳慎芝透露基哥太太的心情已平復,直言早有心理準備。

至於演藝界,陳慎芝特別提到演藝人協會會長古天樂:「佢打過好多次電話嚟問有冇嘢要幫手,不過我哋做得七七八八,佢嚟就OK啦,心意勝過任何嘢。」他表示已安排3位牧師及20位戒毒者做分享,屆時他亦會分享基哥生平。

另外,Aka表示會邀請父母欣賞《漫》片:「我知套戲講認知障礙,我成日都捉住爹哋、媽咪按摩個頭,人哋話按多啲頭同食冬蟲草可以預防,我每個月都買啲畀佢地食。我超擔心,因為呢個病會令人好心痛,相處咁多年,佢唔記得你,好似個靈魂唔知飛走咗咁。」

Aka平日亦會爭取時間陪家人,每年會安排家庭旅行,閒時又問父母無聊IQ題:「等佢哋轉吓個腦,有時講嘢又會窒吓佢地,等佢哋諗吓點樣寸番我。」

娛聞樂陪你走遍全球追星,即Like「娛果」FB 專頁!
BannerBanner