【會攝時間睇騷】素顏卓韻芝力撐Sammi瘦得健康:佢有光彩自信

更新時間 (HKT): 2019.06.29 09:00

卓韻芝、洪永城(Tony)、簡淑兒、莊端兒等昨晚在尖沙嘴出席《蜘蛛俠:決戰千里》首映禮,現場有蜘蛛俠助陣拍照,人人擺出招牌姿勢。

卓韻芝昨晚素顏現身首映活動,她解釋正在綵排8月和蔡卓妍公演舞台劇《情敵勸退師》,難得有空檔出來,主要陪老公看電影,爆老公是英雄片擁躉,單是《復仇者聯盟4》要看足4次。

阿芝雖然投入工作綵排,但都沒有忘記撐好友鄭秀文(Sammi)7月中開騷,她並表示:「一定會去睇Sammi演唱會,大家約緊時間去探班,開騷前一定會去探下佢,全力支持擁抱一個先,今次演唱會有好多層次。」會否相約Sammi老公許志安同行睇騷,阿芝說:「冇約邊個打邊個,自己有時間又有飛就攝落去睇。」

Sammi早前面對婚姻感情問題心力交瘁,加上演唱會負荷壓力,身形明顯暴瘦,阿芝說:「佢好瘦,但佢嗰種瘦係好辛苦練番嚟,在舞台上好有光彩同自信,平常人睇就覺得瘦,但瘦得嚟都幾有力,仲有肌肉,佢有食嘢,係健康嘅瘦。」至於感情事,阿芝沒有追問Sammi,反而擔心自己:「我同人傾訴就有,我同老公都係摸索相處之中。」

洪永城是蜘蛛俠粉絲,兒時會爬枱爬凳模仿英雄,並笑說:「我都想學倒吊錫女仔呀,咁浪漫,可惜做唔到。」洪永城稍後和好拍檔黃翠如到澳洲拍旅遊節目,導演要求加插二人的成長故事,他笑說:「我們年輕時就認識,好多經歷,可以回顧第一次嗌交同喊片段,導演想加插我整蠱翠如環節,但翠如就好嬲問點解我要整蠱佢。」翠如老公蕭正楠不會同行,洪永城向他承諾會好好照顧翠如,並笑說:「鬧少佢一啲已經係照顧,照顧有好多種,我嘅照顧係教訓為主。」

此外,簡淑兒近日簽了大台做親生女,主力向拍劇發展,暫時放下歌唱事業,並期望和影帝合作,她說:「好多人想合作,最想係古天樂可以返無綫拍劇,一齊合作。」

娛聞樂陪你走遍全球追星,即Like「娛果」FB 專頁!
BannerBanner