【藝人愛扮祥嫂】江欣燕:佢哋讚我扮得似 張錦程願:走得安詳

更新時間 (HKT): 2019.07.02 21:30

已故粵劇名伶新馬師曾(鄧永祥)遺孀,「祥嫂」洪金梅今日離世,享年73歲。

當年無綫綜藝節目《歡樂今宵》最愛搵藝員「扮鬼扮馬」,而其中一位大家最愛愛模仿的人物就是祥嫂,張錦程、江欣燕和馬小靈都扮過祥嫂。但數到當年的經典,張錦程模仿的羊嫂(祥嫂)絕對是經典,他更因為在《羊嫂與你》扮祥嫂而大受歡迎,肥姐沈殿霞更笑到飆尿。張錦程今日回覆《蘋果》,對於祥嫂不幸離世,他希望祥嫂走得安詳,沒受病痛折磨:「當年因為發生鄧家爭產事件,《城市追擊》日日報道,《EYT》監製話不如扮祥嫂啦!我同兆尊好熟,當時有問過佢介唔介意,佢話冇嘢,我至扮(祥嫂)。」錦程又指扮完祥嫂之後,一度刻意避開在一些活動上與祥嫂碰面,避免尷尬,反而是兆尊曾經想邀請他和祥嫂一齊食飯,只可惜一直沒成事,他並說:「兆尊同我講過,祥嫂其實係一個好可愛嘅人,希望佢走得安詳。」

而江欣燕亦曾多次於《歡樂今宵》及電影《整蠱專家》扮祥嫂,對於祥嫂病逝,江欣燕說:「聽到呢個消息好突然,其實我同祥嫂唔熟,我只係扮過佢,我同兆尊都少見咗,最記得有次喺《歡樂滿東華》見到祥哥祥嫂,佢哋讚我扮得似。」

此外,韋家輝執導的喜劇《鬼馬狂想曲》,亦都搵過蘇志威扮祥哥和劉小慧扮祥嫂。

娛聞樂陪你走遍全球追星,即Like「娛果」FB 專頁!
BannerBanner