【新馬師曾遺孀】祥嫂洪金梅離世 享年73歲

更新時間 (HKT): 2019.07.02 20:20

已故名伶新馬師曾(鄧永祥)遺孀,祥嫂洪金梅今日離世,享年73歲,兆尊回應《蘋果》説:「5pm左右離世,多謝有心,人生必經之事,平常心!」問兆尊母親臨終有沒有遺言?他説:「冇啦!要講嘅平時都講晒!」兆尊稱弟妹都有到醫院送祥嫂最後一程。已定在7月11日於香港殯儀館地下的大廳設靈,12日出殯。

祥嫂好友陳慎芝向《蘋果》證實消息,他在電話中表示:「大約半小時前,有兩個老友記打畀我話佢走咗,好似係肺癌。我哋都係老友記,識咗廿幾年,之前都係佢打畀我話約基哥(李兆基)見面。」對短時間有兩位朋友離世,他說:「自己都有啲失落感,好多都係肺癌同肝癌,好多人都叫我要注意,我今年都71歲,都覺賺咗。」

據知祥嫂日前低調入院,有人稱在政府醫院日間癌症治療中心見過祥嫂,有傳女兒鄧小艾及兒子鄧兆榮亦到醫院探望,當時小艾只稱是普通老人病,而祥嫂亦鮮有露面。

人稱祥嫂的洪金梅在香港出生,為香港已故粵劇名伶新馬師曾(鄧永祥)的第四任妻子,兩人於65年開始同居,其後陸續誕下鄧兆尊、鄧兆榮、鄧翠玉(鄧小艾)及鄧碧玉四名子女。祥嫂與新馬師曾於92年正式成婚。

至97年新馬師曾逝世,祥嫂與四名子女因遺產分配問題有所爭執,最終更對簿公堂,事件糾纏近9年,最終祥嫂在06年被判敗訴,同年祥嫂於自己61歲壽宴上,宣佈與家中各人正式和解。

娛聞樂陪你走遍全球追星,即Like「娛果」FB 專頁!
BannerBanner