【引渡惡法】藝人呼籲登記選民 把握最後機會做啲嘢

更新時間 (HKT): 2019.07.02 15:33

6月連場反送中運動,港府都無視市民訴求,香港陷入風雨飄搖,不少人提出「血債票償」,今日就是選民登記最後一天,有藝人在社交網呼籲大家登記做選民。

商台DJ Donald:「唔開心,你同我都會,但不如畀個時限自己然後振作!因為唔開心係解決唔到問題,不如做啲嘢!例如把握最後機會,登記做選民!問埋身邊朋友登記咗未!」少爺占:「不用覺得自己無能力做任何事,你的一張票好重要。今日最後一日了,盡做啦。」

張惠雅(Regen):「真係到最後一刻選民登記喇,2/7截止,幾懶都好,花10分鐘處理咗佢登記咗佢。」Regen還教大家網上登記方法:「先download一個app叫AdobeFill&Sign,準備3個月住址證明(用電話影低都ok),去 https://www.reo.gov.hk/pdf/form/REO-1 (C).pdf 下載表格,用果個App開呢個表格填咗佢,連埋住址證明email去 form@reo.gov.hk,搞掂!」

前體育新聞主播伍家謙同樣分享登記連結,寫道:「之前講過,今日再推:立即 #登記做選民。截止日期係七月二日 - 即係今日。上次叫大家登記之後,有人inbox我,問:登記嚟做乜?都唔知有冇用!唔......我淨係諗到兩個答法:1. 香港人心態:登記唔知有冇用,唔登記又唔知有冇用 - 咁老虎蟹都登記咗佢先喇,咪執輸呀;2. 買六合彩都唔見得一定中,咁點解咁多人 - 包括我,會肯個個禮拜定期進貢做善事?答案:係為咗一個希望。無論個機會大定細,都係一個希望。」

娛聞樂陪你走遍全球追星,即Like「娛果」FB 專頁!
BannerBanner