【誰先施政治暴力】林日曦分享公平世界理論 籲林鄭不要再指摘受害者

更新時間 (HKT): 2019.07.02 13:00

剛過去的6月,香港人經歷被催淚彈、胡椒噴霧熏得淚流滿面,103萬人在同一天空下上街反惡法,惟特首林鄭月娥只顧面子,不肯撤回修例,逼使「200萬+1人」再次上街表達訴求,至昨日7.1遊行後更爆發衝突,大批示威者佔領立法會會議廳,並大肆破壞,有人在牆上噴上「釋放義士」、「林鄭下台」等標語。

一直力撐遊行人士及學生的《100毛》老闆林日曦,今日在社交網發長文,分享一個心理學上的理論,公開叫林鄭月娥不要再指摘受害者。他寫道:「『Just-World Theory/公平世界理論』 意思係指,普遍人類假設個世界係絕對公平嘅,佢哋心底裏相信好人有好報,壞人自有惡報。」

他續謂:「當有人遭遇不幸或受欺凌或被壓迫,佢哋嘅大腦機制就會傾向認定嗰個人一定係做錯咗啲嘢先會受到傷害,從而會選擇去『Blame the Victim/指摘受害人』,而唔去指摘加害者。最經典例子就係有人畀人強姦,部份民眾竟會指摘受害者衣着暴露。呢個世界唔係每一樣嘢都黑白分明。當你想輕易判定別人對錯之前,更加要平心縱觀全局、找出問題核心、謹記是誰先施以政治暴力,才迫使大量市民甘於斷送前程和性命。」

娛聞樂陪你走遍全球追星,即Like「娛果」FB 專頁!
BannerBanner