【祥嫂病逝】前無綫高層何麗全稱祥嫂係好母親 生前極關心兆尊事業

更新時間 (HKT): 2019.07.02 21:03

已故名伶新馬師曾(鄧永祥)遺孀,祥嫂洪金梅今日離世,享年73歲。祥嫂洪金梅生前十分緊張長子鄧兆尊的事業,90年代兆尊加盟無綫開始其演藝事業,祥嫂十分緊張,經常親自到清水灣無綫電視城(無綫舊址)探兆尊班,並不時就兆尊的演出,向無綫提出意見。

前無綫高層何麗全跟祥嫂十分熟絡,二人份屬好友關係,對於祥嫂病逝,何麗全今日接受《蘋果》訪問時表示十分難過,他說:「我3個幾星期前去養和探個朋友,咁啱撞見小艾,佢話祥嫂都喺醫院,我問過情況,佢話唔係咁大問題,係個肺有啲事,估唔到今日聽到呢個消息,好突然,好可惜,好難過。」

何麗全續說:「我同祥嫂識咗好多年,因為當年祥哥做《歡樂滿東華》,一定要經過祥嫂,祥嫂照顧祥哥好無微不至,到兆尊加入無綫,佢都好關心兆尊事業,佢叫個仔千祈唔好介意由低做起,千祈唔好怕蝕底,亦從來唔會介意公司唔係畀一線兆尊去做。祥嫂係一個好好嘅母親,好關心自己子女。呢幾十年,我都有同祥嫂聯絡,大家成日喺一啲慈善場合、老人院見面,佢同祥哥一樣,都係好熱心公益。」

娛聞樂陪你走遍全球追星,即Like「娛果」FB 專頁!
BannerBanner