【半世紀閨密】黃夏蕙爆祥嫂最後遺願 盼望長埋永祥苑荔枝樹下

更新時間 (HKT): 2019.07.03 10:46

已故名伶新馬師曾鄧永祥遺孀祥嫂洪金梅昨日離世,終年73歲。祥嫂早前發現患上肺癌,低調接受治療,可惜最終都被癌魔帶走,她離開時獲鄧兆尊等四名子女陪伴走最後一程,兆尊昨指亡母臨終未有甚麼遺言:「冇啦,要講嘅平時都講晒!」

不過,祥嫂數十年閨密黃夏蕙,徹夜思念祥嫂,今日她忽然記起祥嫂生前曾分享過未了心願。黃夏蕙於17歲跟祥嫂相識,逾半世友情,兩女不時出雙入對,祥嫂當年跟子女爆爭產,黃夏蕙亦一直力撐伴在身邊。

目前正身在美國的黃夏蕙,昨晚香港時間接獲祥嫂死訊時心情忐忑,欲哭無淚,非常傷痛,她今早再接受《蘋果》電話訪問說:「記得祥嫂生前同我提過有一個遺願,佢當年冇住永祥大廈,就搬咗去元朗獨立屋永祥苑獨居,有四個工人,六、七隻狗,嗰時我成日去探佢,祥嫂屋中放咗好多祥哥遺物,有佢哋啲法國傢俬,祥嫂話全部係同祥哥嘅回憶,佢個花園好大,種咗好多果樹,祥嫂有次仲話將來死咗要葬喺棵荔枝樹下。」

黃夏蕙續說:「佢講嗰時大約係今年5月,祥嫂仲精精神神,我點諗到佢咁快走咗,不過嗰時佢有成日咳,但冇講畀我知身體有咩嘢事,佢好堅強硬淨。佢間屋位置有電纜,我成日同佢講咁對身體唔好,後來進出過醫院幾次,佢有去咗酒店住過。祥嫂話覺得永祥苑係屬於佢同祥哥嘅地方,如果佢死咗,葬咗喺花園嘅荔枝樹下,咁間屋就唔會有人買,就可以永遠保留,佢有呢個心願。」黃夏蕙知道自己不便過問祥嫂後事,一切應尊重四子女安排,但她也希望公開祥嫂生前心願,讓其子女作參考。

娛聞樂陪你走遍全球追星,即Like「娛果」FB 專頁!
BannerBanner