【好sweet!】溫碧霞新戲與陳漢娜咀嘴:錫女仔感覺好舒服

更新時間 (HKT): 2019.07.03 23:00
攝影:仇志德

溫碧霞( Irene)、關智斌(Kenny)、郭奕芯、陳漢娜、陳煒、沈卓盈及莊端兒等,今晚於旺角出席電影《墮落花》煞科宴。

溫碧霞於7月30日53歲生日,劇組在煞科宴上為Irene送上蛋糕預祝生日,Irene表示生日會到美國度假兼探屋企人,大概逗留十多天後返港及大陸拍兩齣電影,一套會與呂良偉飾演情侶,另一套是講述兩個女仔奮鬥的故事。Irene再在《墮落花》中與陳漢娜咀嘴,Irene說:「錫女仔感覺好舒服,拍攝時候有尷尬 但係好sweet,拍出嚟自己都好鍾意。」

關智斌表示剛與何超蓮拍攝一輯遊戲機廣告,又忙於與吳卓羲、 黃宗澤拍攝電視劇,Kenny說:「今日早咗兩小時收工過嚟宣傳,被吳卓羲話我冇義氣早走,其實我只係忙到瞓咗兩個鐘。」Kenny表示托賴大家仍記得他與張致恒(Steven),二人於9月14號首次舉行紅館演唱會,Kenny表示之前去到法國出席時裝展,認識一些品牌,Kenny說:「佢哋話可以贊助我演唱會衫,當然會贊助埋Steven,雖然佢真係好肥,但係佢應該今次能夠減肥成功,相信佢瘦得切,我亦都有叮囑同畀動力佢。」

娛聞樂陪你走遍全球追星,即Like「娛果」FB 專頁!
BannerBanner