【狗仔出更】C AllStar「拉麵哥」孖嬌小女友覓食 老銅行去天后嚴選餐廳

更新時間 (HKT): 2019.07.04 00:30

成軍8年的男子組合C AllStar,完成前年紅館騷後宣佈休團,四子各有發展,其中有「拉麵哥」之稱的何建曦(Jase)兼任飲食KOL 、作家等多重身份,久未露面的他,日前孖女友拍拖覓食,由銅鑼灣行到去大坑,揀了10幾間才揀到心水餐廳,看來對食的要求好高,不愧是飲食KOL。

當晚約8時許,Jase和圈外女友拍拖現身銅鑼灣,着露肩兼露臍裝的女友身材嬌小,兩人在時代廣場附近搵地方醫肚,行經每間餐廳都停步,細看門外的餐牌和內裏環境,大約睇了6、7間,但都揀不到心水餐廳,最後行到去大坑,又再沿途看了幾間餐廳,最後才揀中一間上樓西餐廳。

由銅鑼灣行去大坑期間,如街上人多時,兩人表現有點避忌,刻意保持相距一、兩個身位,而在等過馬路時,女友終於忍唔住,靜雞雞將手伸在背後,跟Jase玩拖手仔,十分sweet,當行到人少少的地方,兩人才會搭膊頭拖手仔,做回情侶的指定動作。

採訪、攝影:梁繼光、羅德光

娛聞樂陪你走遍全球追星,即Like「娛果」FB 專頁!
BannerBanner