【傷癒復出冇陰影】胡鴻鈞唔怕再吊威吔 狀態好準備全面復工

更新時間 (HKT): 2019.07.05 17:26
(攝影:沈健程)

胡鴻鈞自5月拍攝《降魔的2.0》一幕吊威吔戲,從高處墮地受傷送院,出院後一直處於休養狀態,今日他公開露面,到銅鑼灣出席活動時,健康情況明顯好轉,頸部恢復靈活。

養病閉關至六月,胡鴻鈞曾到美國登台,他透露已回復狀態,感覺良好,昨日再次接受磁力共振檢查,正等待檢查報告,期待繼續工作的他,亦正準備全面復工:「休養太耐都怕攰,冇嘢做時會喺屋企行吓,唔會只係喺張床上,同埋追劇睇咗《我們與惡的距離》。」

至於受傷的一幕戲會否繼續拍攝?胡鴻鈞說:「我嘅戲仲未拍完,會等報告出先,ok就會再拍攝,受傷嗰幕要等監製決定,不過就算再吊威吔都冇乜大陰影,但係監製好好,話盡量唔會安排有威吔嘅戲畀我。」一直有指事發後公司要胡鴻鈞隱瞞事實,他說:「公司冇叫我唔好講,真係唔記得咗,出院時瘟瘟沌沌,唔清晰狀態,醫生話我意外前後思維都係正常,只係唔好做太劇烈活動,休息多啲。」對比之前休養期時,胡鴻鈞現時頭暈次數減少,他說:「之前踎低起身、大動作、起床時候都會暈,有食止暈葯。」

娛聞樂陪你走遍全球追星,即Like「娛果」FB 專頁!
BannerBanner