【瞓15分鐘又開工】龔嘉欣病情影響成日想嘔 獲同事重點照顧

更新時間 (HKT): 2019.07.06 16:59

龔嘉欣今日到尖沙嘴為名牌時尚店開幕擔任嘉賓,早前她拍劇期間因耳水不平衡入院,但今日出席活動時精神不俗,嘉欣說:「而家仲會成日想嘔,去到邊都揾定地方嘔,費事嘔落地要人清潔。之前出外景,袁文傑幫我擔遮,啲同事又畀水我飲,重點照顧我。可能真係太熱,而且又拍緊劇,噚日我都係瞓咗15分鐘,不過仲有兩個星期就拍完。」

她透露劇集煞科後,會放假休息:「已經諗定去旅行,想去唔同地方,約埋江嘉敏去,不過中間都有活動,又要宣傳《包青天再起風雲》。」至於是否因為拍劇時間太長令她身體不適?龔嘉欣謂明白劇集到拍攝尾聲,會比較趕:「天氣熱加埋着民初衫,其實都好好,好似今日咁,畀幾個鐘我出嚟,之後又返去開工。」

至於《包》劇突然安排播出,會否很突然?嘉欣說:「唔係,我而家日日淨係諗住啲豉油(拍攝《大醬園》中)。我喺《包青天》入面喊到眼腫㗎,返去做配音嗰陣,發現自己喊到好似割咗雙眼皮咁,大家放心,我冇割。」

談到她為品牌時尚店擔任代言,嘉欣笑謂代言費已「嘔突」:「拍廣告嗰日已經買咗三個手袋,之後自己同朋友又買咗。我好鍾意買手袋㗎,唔同大細有唔同功能,因為我係VVIP,仲有折。講我個名就有折㗎啦,最緊要大家買得開心、買得抵。」她笑言自己很「婆仔」,每次出糧把大部分錢存住儲蓄戶口:「我真係唔知自己有幾多身家,可能我都幾有錢,哈。」

娛聞樂陪你走遍全球追星,即Like「娛果」FB 專頁!
BannerBanner