【拍短片獲獎】茜利妹寸高志森是積犯 叫對方收手

更新時間 (HKT): 2019.07.06 18:21

茜利妹與鄭世豪今日到香港仔出席網絡短片頒獎禮,茜利妹以短片《情緒病患者親人自白》奪得「最觸動人心網片」及「最佳網片」兩個獎項。茜利妹大讚老公有眼光,提名自己參賽:「其實條片係上年8月拍,因為盧凱彤嘅離開觸發咗我。我自己都係情緒病患者嘅親人,我識五個人都係因為情緒病自殺,有一個仲係我親人,我都覺得好灰。」她表示短片上載後,收到不少人inbox傾訴:「啱㗎,大家要講出嚟,情緒上嘅問題真係不容忽視,大家要好正面咁面對。」

提到近日社會氣氛不好,有不少人產生絕望或輕生的念頭,茜利妹說:「社會氣氛好灰,所以而家條片出返嚟搵票,我唔知係咪啱。我係創作人,最近當然好有感受,原來我比較下,可以處理得強啲,我盡量分享啲正面嘅影響。」她認為年青人較脆弱,希望以一句名言鼓勵大家:「我哋從來都冇輸,我哋只會每次係學到口嘢或者贏,係咪好正面?係呀,叫我正面茜。」

至於她於網上狂插高志森,壓榨同行一事,茜利妹聞言說:「哦?嗰個低智森?噚日因為有位我哋好尊重嘅編劇莊梅岩,喺網絡大爆seed,好多人有共鳴。我自己同低生喺工作上交往過,原本十年可以唔提,但係我發現低生冇收過手,所以我先講出嚟。大家都好大迴響,好多人同我分享佢哋嘅經歷,原來佢積犯嚟喎,我覺得佢係時候檢討下。」問她會否要求商志森向她們道歉?茜利妹斷言拒絕:「唔使啦唔該,收手啦。」

同場的鄭世豪有份參與短片《解款員》奪得「最開懷歡笑獎」,他說:「自己喺段片入面嘅造型好唔同,比較戇直,希望同自己嘅人生一樣,帶畀大家開心。」他表示拍攝短片與電視劇心態一樣,但坦言拍攝慘情角色,自己會比較難抽離,他說:「因為我會反覆檢討自己嗰日做成點,可能要一至兩日時間先可以抽離到。」提到現時社會氣氛不好,鄭世豪希望以藝人身份,帶多點歡笑給大家。

娛聞樂陪你走遍全球追星,即Like「娛果」FB 專頁!
BannerBanner