【提醒一句】林秀怡IG炮轟警察被「照肺」:有講話唔再講呢類嘅嘢

更新時間 (HKT): 2019.07.07 16:48

林秀怡、程美段、洛兒和鍾晴今日在荃灣出席泳衣派對,活動中,她們演繹不同泳衣款式,當中程美段谷胸上陣、穿上「離罩露墊」三點式泳衣玩吹泡泡,成為全場焦點,力壓其餘三人,鍾晴以薄紗遮股,林秀怡則分別以防曬裝及沙灘裝示人,十分遜色。

自言身材不及其他人fit的程美段,她坦言沒有刻意谷胸。問到她可有用「砵仔糕」谷胸?她反問:「你哋係咪認錯人呀?」再追問她可有胸墊?她只說:「我做咗防走光措施,黐咗膠紙。」提及她的上圍的尺吋,程美段說:「我鴛鴦,一邊D一邊E,34至36吋,因為最近個身厚咗。」由於現場有很多「龍友」在場外拍照,程美段表示不擔心,亦沒有遇過瘋狂fans:「如果驚就唔止我一個,呢啲係專業操守,唔會驚得太多。」會否好難買bra?她說:「有啲內衣店好專業,幾秒就可以知問題幫我矯正,我反而擔心修形問題,同埋挺唔挺,因為我本身鍾意用布質、舒服嘅bra,而家開始覺得要保養。」有否打算出寫真集?程美段表示原定今年書展推出,但因為工作檔期問題而延遲至明年。

以密實泳裝示人的林秀怡,今次是首次行泳衣騷,她笑言對自己的身材零信心,自嘲似男人。問到酬勞是否不夠多?她說:「係好好嘅價錢,純粹係因為唔知點樣露到前面又收到啲肉,因為我有太多肥肉,而家115磅。」騷前可有節食?林秀怡說:「有呀,我同男朋友講完騷之後一定要食好多嘢,但佢話:『你好似節食咗一日咋喎!』。」她表示覺得程美段很澎湃,笑說:「勁靚囉,如果有佢咁嘅身材,我一定除晒衫出嚟畀大家睇,佢露得少啦,咁好身材,應該益下街坊。」為了賺錢養家,林秀怡表示甚麼工作都會接,不過有底線:「除晒就唔會,好驚會嚇親人,底線係健康性感,但其實如果我瘦咗,我都想着三點式,我有諗過下年出本寫真,不過男友都有啲微言,但我話工作需要,咁佢都明白。」鍾晴亦表示對下身沒信心,配上薄紗會增加安全感。

此外,對於林秀怡早前於IG炮轟警察在6.12使用武力對付示威者,問到有否被公司「照肺」?她說:「都有講話唔再講呢類嘅嘢,叫我小心啲,都唔係照肺,提醒一句。」

娛聞樂陪你走遍全球追星,即Like「娛果」FB 專頁!
BannerBanner