【自嘲是一個反攻】游學修指廢青分廣義與狹義:我係廢青嘅代表人物

更新時間 (HKT): 2019.07.08 00:30

由盧海鵬、游學修及陳穎欣(Yanny)@Super Girls主演的ViuTV劇集《仇老爺爺》,是爺孫版《蝦仔爹哋》,《仇》劇以幽默搞笑方式闡述「仇老」等貼地等社會議題。

《仇》劇由游學修自編、自導及自演,游指近年出現「仇老」,希望借一個爺爺去寫一個世代的矛盾,兩輩互相不理解,游學修說:「老人家覺得我哋好廢,叫我哋做廢青,有廢青之後有廢老這名詞,互相睇對方唔順眼睇唔起,構成這段爺孫關係。有時問題確存在,不是溝通就能解決到,好多時我哋唔切身處地去諗,我想喺戲劇世界實現一些不可能的事情。」游指廢青有廣義與狹義,他說:「對同輩來說,我係廢青嘅代表人物,一諗後生演員、廢青,就諗起游學修,廢青代表未有成就、未有成績,尤其是金錢上,最現實金錢上定義,係冇錢冇樓就係廢青,好大膽、行得好前,憤世嫉俗係廢青廣義。廢青狹義係無所事事,唔知自己想點,匿喺屋企一事無成,無貢獻、無能力,廢柴嘅後生仔,我自問唔係。」游學修指廢青被人鬧之後,就靈活變通,自嘲廢青是一個反攻,很少聽到老人說自己是廢老。《仇》劇有加入社會議題,游說:「喜劇係要貼地,離地就笑唔出,廢老、廢青都係社會問題,我用一個笑的方式寫出來,喜劇笑咗先,不要太多探討。」

游學修找陳穎欣飾演其女友,他解釋:「女友嘅角色係有公開試鏡,我心目中想個女仔係真女神,好貼地、了解男友、玩得,男友軟弱時可以得到她扶持,好耐之前見識過Yanny在網上放短片,佢外表不食人間煙火,其實佢幾玩得。」Yanny說:「角色與我本人相似,我同男友相處係好朋友,適當時候我會做適當事情,阿修無論是演員、導演身份都好清晰,我本身唔識佢,佢將自己想講嘅嘢做出嚟,說服力強,好欣賞佢。」談到廢青,Yanny:「我都係冇車、冇樓、冇錢,我係一個努力向上嘅年輕人,我覺得香港年輕人都係咁。我接受到男朋友冇車冇樓冇錢,只要佢上進總會揾到食,如果我男朋友係廢柴我就接受唔到,唔做家務,乜都我做晒,又要我養就接受唔到。」

在戲中飾演游學修爺爺的盧海鵬,帶出「仇老」議題,游指鵬哥是德高望重要前輩,對拍攝很有要求,他說:「鵬哥有時真係會鬧,我哋做得唔夠專業或未夠經驗,鵬哥會好似鬧人咁,係佢嘅表達方式,我喺其它場合見到佢四萬咁口。」游指選角前,已很想鵬哥擔演,他說:「廢老,自私自利,唔聽人講,自以為事,咁嘅老人家其實好討厭,盧海鵬能夠演活角色而唔令你討厭。」

其中一場戲,鵬哥要對Yanny毛手毛腳,但又不可以令人反感,游說:「老人家式冇殺傷力抽水,鵬哥拿捏得好準。」Yanny說:「第一日開戲就係同鵬哥合作,我好驚因為佢嘅氣勢好犀利,講句嘢都好大聲,相處落就知呢個係佢溝通方式,私下好親切。我哋好多溝通,加上角色上係好friend,佢真係好似我阿爺。」拍抽水戲之前,Yanny說:「大家都好專業,導演令我好安心做好呢場戲。」Yanny笑指在公開場合曾與鵬哥打招呼,但鵬哥似乎不認得她,Yanny說:「我能我化妝化得多,我話我係欣欣,佢話哦﹗而家經過兩年,我再冇信心俾佢拒絕,我驚受打擊。」

《仇》劇有邀得黃秋生、杜汶澤、鄧麗欣等演員客串,游表示全部都是親自邀請,至於是否搭膊頭,游說:「當然佢哋唔可以收正價,如果收正價雙倍製作費都未必應付到,其實呢班前輩需要用到我嘅時候,我本來就義不容辭,佢哋好願意去幫手,好身體力行提携後輩,大部份都係一口答應。」

場地提供: 桔梗

採訪:張俊銘、攝錄:馮嘉銘

娛聞樂陪你走遍全球追星,即Like「娛果」FB 專頁!
BannerBanner