【半公半私】潘燦良蘇玉華將到愛爾蘭旅行 隨時即興閃婚

更新時間 (HKT): 2019.07.08 18:35
(攝影:黃曉妍)

蘇玉華、潘燦良、蔡思韵等今日在上環為舞台劇《如夢之夢》進行綵排,在劇中,阿蘇飾演嫁到法國的「顧香蘭」,她說:「講我過住食煙飲酒嘅糜爛生活,演戲係可以將自己平時唔做嘅嘢做出嚟,所以我演戲都可以好open,試過淨係着胸圍底褲走來走去。」問到男友潘燦良是否看過阿蘇的內衣look才展開追求?阿蘇笑說:「20幾年前喇,佢欣賞我內在多啲,其實現實生活中我好保守,中學同學笑我倒吊都唔會走光,包得好密實。」

他們透露今次沒有對手戲,但要演出8小時,事前需要做呼吸運動來應付體力。潘燦良表示今次演出25場,但每次只能容納400名觀眾,難怪他說:「肯定蝕住做,其實今次相隔17年再做,係因為之前計唔掂數,係香港話劇團先至做到,因為有政府資助。」

他們表示完成這個舞台劇,就會到愛爾蘭旅行,潘燦良說:「因為年底有套舞台劇嘅背景係愛爾蘭,可以實地考察一下。」問到會否順道在當地註冊結婚?潘燦良笑說:「如果嗰日興起,都可能會㗎!」此外,對於有舞台劇工作者群起杯葛高志森,潘燦良表示跟對方有合作過,但阿蘇則謂:「今日唔講呢啲喇!」

娛聞樂陪你走遍全球追星,即Like「娛果」FB 專頁!
BannerBanner