【亞洲太平洋國際小姐】大陸7號戴可穎自覺青春無敵 8號陳樂憧貌似「細龍太」

更新時間 (HKT): 2019.07.09 16:22

11位「2019亞洲太平洋國際小姐(香港區)」佳麗今日在香港仔公眾碼頭,以泳裝會見傳媒,吸引不少男途人圍觀,主辦方負責人何紫綸亦有在場。今年的佳麗們質素和樣貌平庸,2號劉嘉兒仲好有肉地,18歲的7號戴可穎年紀最小,8號陳樂憧則貌似大台處境劇《愛.回家之開心速遞》中演「細龍太」的陳偉琪。

7號戴可穎指自己由內地來港3年,已擁有身份證,她說:「之前做過茶餐廳,其實我喺內地讀到中三,所以嚟緊我都想讀VTC(職業訓練局),因為我覺得喺香港社會,有學歷先至有好嘅工作。」參加選美是為了入行?戴可穎說:「我當然想入行,因為可以增值自己,識多啲朋友,同埋增加自信。」問到她的優勝之處?她直言是身材和年紀,是否覺得青春無敵?她說:「可以咁講。」

8號陳樂憧透露自己曾有兩次選美經驗:「我參加過工展小姐、環亞女神大賽攞過活力女神。」不打算參加香港小姐?她說:「有諗過,但太大壓力,因為要面對好多傳媒,我有少少驚,同埋我好冇自信,好怕俾人批評。」提到她似「細龍太」,陳樂憧笑說:「朋友都話我似,但係我唔覺得似,因為佢身材好好,我只係34C,佢係E,所以唔敢當,我鍾意運動,比較大隻,骨架好厚,所以啲人覺得我似。」

身為主辦方的何紫綸,她表示會負責儀態及catwalk指導:「贏咗會代表香港去菲律賓比賽,今年有好多合作單位,例如有電影公司、演唱會,所以啲女仔有好多發展機會。」談及她早前宣佈離婚,何紫綸說:「我搬咗出嚟住,習慣咗獨立,生活開心。」她指雖然未有追求者,但亦已準備展開新戀情,不過要先了解清楚才開始。

娛聞樂陪你走遍全球追星,即Like「娛果」FB 專頁!
BannerBanner