【基哥設靈】徐錦江趕返港送別故友 羅家英盛讚照顧周到

更新時間 (HKT): 2019.07.09 21:39
(右圖攝影:沈健程)

【新增內容】

徐錦江和羅家英結伴到殯儀館送別資深藝人李兆基,其中徐錦江受訪時表示今天剛從大陸回港致祭,明天便要離港,他說:「其實同基哥係拍戲認識嘅,已經10幾年冇見,同佢一齊做嘢係好開心嘅,喺我腦海裏面有好多好好嘅回憶,佢係一個好長情嘅人。」

家英哥接着說:「其實喺1994年已經認識基哥,當時徐錦江簽咗王晶,我跟住又簽咗王晶,王晶安排咗基哥做我哋嘅經理人,基哥好多嘢講,好多大道理,個人好,又有義氣,不過自己已經2、3年冇見佢喇,佢入咗醫院都冇探佢。噚晚我喺橫店趕返嚟,今日嚟送佢(基哥),自己另外仲有其他嘢做,都會喺香港留一段時間。」徐錦江與家英哥均表示曾見過基嫂邱巧貞。

問到2人與基哥之間的回憶,他們表示:「好朋友一定有好多好好嘅回憶。」家英哥又強調基哥做他們的經理人時,非常照顧他們,更指基哥由黑幫變做好人、由吸毒變成戒毒,對電影工作很感興趣,唱歌亦都越來越好。

另外,杜琪峯、黃秋生及劉偉強都先後到場致祭。

娛聞樂陪你走遍全球追星,即Like「娛果」FB 專頁!
BannerBanner