【基哥設靈】陳慎芝細心打點喪禮 難忘老友多才多藝

更新時間 (HKT): 2019.07.09 18:35
(攝影:沈健程)

【新增內容】

資深演員李兆基上月2日因肝癌擴散至肺部病逝,終年69歲。基嫂邱巧貞、陳慎芝(華哥)等今日為李兆基於鑽石山殯儀館設靈,明日上午10時進行大殮,11時出殯,遺體將會移到鑽石山火葬場火化,而骨灰則會安放於鑽石山火葬場骨灰龕位。現場有不少演藝界人士送上花牌致意,包括劉偉強、葉念琛、韋家輝、香港演藝人協會、劉青雲、郭藹明、樂易玲、劉錫賢、王晶、顏仟汶、徐錦江和太太螞蟻、翁虹、尹揚明、杜琪峯、游乃海等。

華哥透露喪禮會以基督教儀式進行,已經請來3位牧師及20人唱詩班為基哥送行。問到為何至今才舉辦喪禮?華哥解釋因為基哥出生於慈雲山,故希望等待鑽石山殯儀館有空位才舉行,而火葬場排期亦需時不短,華哥亦向基哥說道:「唔好意思,要你凍一凍先。」

華哥說:「基哥臨走之前都見佢好辛苦,我有拖住佢隻手同佢講『要走就走喇,唔好咁辛苦,好多嘢都返唔到轉頭。』」除此之外,亦有不少街坊、藝人及不少江湖人士到場送別基哥,華哥表示有警察到場亦不為奇。

而一向低調的基嫂亦在華哥陪同下見傳媒,「多謝大家關心,心情都平復咗喇。」記者問到為基哥準備了甚麼陪葬品,基嫂聞言愕然地道:「唉吔!我唔記得咗帶。」身旁的華哥即道:「唔緊要,我晏啲或者聽日同你去拎都唔遲。」

問到基嫂往後生活有何打算,華哥代答:「努力生活!一定唔會再結婚嘅。」華哥與基哥相識40多年,充滿了很多開心的回憶,「佢係一個好出色嘅演員、監製、編劇,又識寫歌,佢寫歌都好叻㗎。佢以前坐過監,識咗好多客家人,又學識客家話,入行之後幫好多電影公司借場,都好做到嘢。」

而海俊傑就表示:「識基哥好耐,自己離開TVB之後入電影圈,大概99年拍電影認識,合作邊套戲唔記得,有啲製作300至500萬嘅小本電影,大家好幾年冇見,喺電影上好少合作,主要係華哥(陳慎芝)帶我出去食飯,同基哥有機會見面。之前喺電視見到佢好瘦,人始終要行呢一步,幸好佢加入咗基督教,我會為佢祈禱,佢以前係犯過錯,但係通過勇敢面對,叫年輕人唔好掂毒品。」

娛聞樂陪你走遍全球追星,即Like「娛果」FB 專頁!
BannerBanner