馮盈盈師姐益佳麗坐順風車
楊慧敏有柴可夫送返屋企

更新時間 (HKT): 2019.07.10 02:20

【馬鞍山→荃灣】今屆香港小姐競選前日安排15位入圍佳麗轉look後,便返咗電視城接受訓練,日內將會首度正式會晤傳媒。入圍嘅馮盈盈師姐楊慧敏之前大方承認有男友,而且好支持佢參加比賽,前晚大約10點,楊慧敏同另一個佳麗齊齊離開電視城,之後上咗一架寶馬座駕,之不過個「男司機」嘅警覺性好高,佢先測試有冇車跟住,沿途一直高速行駛,去到油塘附近放低同行嘅佳麗,跟住就駛去馬鞍山。

搵食卻閂晒門

停車後記者上前訪問,楊慧敏個樣似乎有啲緊張,全程機不離手喺度講電話,似係想迴避採訪。男友人向記者透露佢哋本來諗住去搵嘢食,點知太夜,好多舖頭都閂門。問到佢哋係乜嘢關係,男友人就指一指楊慧敏,叫大家問番女方,仲笑笑口合十向記者表示謝意,最後開車到楊慧敏喺荃灣嘅屋邨住所,不過楊慧敏都冇講呢個係咪男友,講咗句「Thank you」就返咗屋企。

用腳撩男同學

娛聞樂陪你走遍全球追星,即Like「娛果」FB 專頁!
BannerBanner